Website (blog) ke liye Badhiya Domain Name kaise select kare?

Jab aap Website (blog) shuru karna chahte ho to sabse important hota hai apni Website (blog) ke liye ek aisha domain name select karna jo search me aasani se aaye (ye sabse pahla step hota hai apne blog ko success ki taraf lejane ki) jiski madad se hamare blog ko search me Badhiya ranking milti hai.

Is article me mai aapko Website (blog) ke liye Badhiya Domain Name kaise select kare ke bare me kuch top tips bata raha hu. Jinki help se aapko apni website ke liye acha domain name select karne me aasani hogi. Website ka domain choose karna bilkul waise hi hota hai jaise hum Child (Baby) ke born par uske liye badhiya name decide karte hai.

Kyuki wo name lifetime uski pehchan ban jata hai. Same waise hi aapko apni website ka bhi name bahut soch samajh kar rakhna hai. Har koi chahata hai ki uski site ka name sabse alag or sabse best ho but blog ke liye ek achha domain name decide karna aasan nahi hai. Khas kar newbie blogger ko isme sabse jyada problem hoti hai.

To chaliye mai aapke is kaam ko thoda easy bana deta hu. Mai dawa karta hun ki Aap niche diye gaye step ko padhne ke baad aap apne online Website (blog) ke liye sahi domain name choose aasani se kar payenge.

Website Blog Ke Liye Badiya (High Quality) Domain Name Kaise Select Kare:

Sabse jyada mashur (popular) or common domain name .com, .org, .net or other top level domain hai jo world me sabse jyada use hote hai. Simply hume top-level domain hi choose karna chahiye.

Waise .tk, .mobi, .online, .website jaise domain name bahut hai. But aapko aisha domain name select karna hai jo aapke online Website (blog) me chaar chand laga de or aapki internet par sabse alag pahchan ban jaye.

#1: Chota Domain Name badiya hote hai
Domain name agar chota hota hai to acha rahata hai, logo ko aasani se yaad ho jata hai or usko wo direct bhi type karke aapke site par aa sakte hai. Mera Suggestion hai 15 sabd se jada use naa kare domain me.

#2: Yaad Rakhne Me Aasan ho
Domain Name aisha hona chaiye jo yaad rakhne me aasan ho, jisko koi bhi aasani se yaad rakh sake.. Domain me aishe hi sabd use kare jo aapki site se sambandit ho.. Iska ye faida hai ki agar koi aapki site par directly bhi aa sakta hai kyun ki usko aapke site ka Domain Name yaad hai.. or wo kisi ko recomend bhi kar sakta hai.

#3: Sabd Istmal kare
Kahne ka matlab hai aishe sabd use kare domain name me jo aapke blog ko describe kare. Isse ye faida hoga ki visitor aapke domain name ko dekh kar bhi andaja laga sakta hai site par kya hoga.

*Jaise maan lijiye aapki koi site hai jokes ke upar to aap uske liye kuch aisha domain le jisme jokes sabd aaye.

Ek baat ka dhyaan rakhe kisi domain ki copy naa kare, khud ka brand banaye. Aap kuch aishe sabd bhi le sakte hai jinka koi matlab nahi ho par chote ho. jaise Labnol.org, jo India ki Popular Blogger site hai.

#4: Number or Hyphens Use nahi kare
Domain name me sabd ke sath sath number (1234) or Hyphens (-) use kar sakte hai, par mai aapse kahuga ki inko use naa kare. Ye yaad rakhne me muskil hota hai or type karne me bhi dikkat hota hai.

#5: Sabse Hat kar ho
Shuru me bahut log ye galti karte hai ki jo pahle se site hai uske domain me thoda kuch add karke apna domain register kar lete hai, par aishe me unko nirasa hi haath lagti hai, kyun ki aishe me logo ki najar me wo ek copy-cat khalate hai. Or agar aapko succes hona hai bloging me to aapka koi alag naam bhi hona chahiye jisse aapko pahchana jaye.

#6: Bolne Me Aasan ho
Iska sabse bada fayda ye hai, ki koi agar aapke site se related kisi topic ke bare me baat karega to ho sakta hai wo aapke site ko recomend kar sakta hai kyunki aapka site ka domain name asaan hai bolna aur usse ye yaad bhi ho jata hai.

Facebook Page, Twitter or Google+ Page bhi banaye apni site ke liye.

#7: 3 Sabd se Jada Nahi
Domain Name jahan tak ho sake chota hi rakhe, par agar koi badiya domain name nahi mil raha ho to aap bada le sakte hai. mai aapko suggest karuga ki aap 3 sabd se jyada use naa kare.. Jaise meri site ke bhi 3 sabd hai – Hinglish Me Help

#8: Site Title or Domain
Aapki site ka Domain or Aapki Site ka naam alag alag ho sakta hai, par mai aapko suggest karuga ki dono same hi rakhe. Isse site ko yaad rakhne me aasani hoti hai visitor ko.

#9: Domain Name Generator ka Istmal kare
Ham sab insan hai, or sabki sochne ki limit hoti hai. Hota ye hai kuch samaj nahi aata ki kaisa domain le jo badiya ho to aap uske liye Online kuch site hai uska istmal kar sakte ho. Kuch Online Tools hai jinse ham apne sabd daal kar search kar sakte hai ki kya kya domain name ban sakte hai.. Ye kuch badiya Site: Domjax, BustaName, Impossibility..

Kuch Bate jo Dhyan Rakhe Domain Name ko Lete vakt

#10: Kanuni
Thoda time ye search karne me bhi lagaye ki jo aapne domain select kiya hai kahi wo pahle kisi company ka to nahi tha, Nahi to baad me aisha ho ki aap apni website/blog ko badiya banane me lage ho or koi aap par case karde.

#11: Thoda Time de
Jab aapko Badiya Domain Name mil jaye uske baad bhi thoda time or Search kare koi aur dusra naam bhi, jo best ho Usko Register karle.

Last me sirf ye kahana chaunga ki kisi ki copy naa kare, khud ki Brand Banaye, kyun ki maine dekha hai bahut log sirf ye karte hai dusre ke domain name ka koi or extension le lete hai (jaise .online, .website, .blog, .us, .in, .uk …etc) or apni website bana lete hai par usse aage chal kar bhut nuksan hota hai.

Domain Name Kya Hai aur Domain Name Kaha Se aur Kaise Kharide?

Main aasha karta hun aapko ye article padh kar Domain Name select karne me aashani hogi. Agar haan to is article ko adhik se adhik apne friends ke sath share jarur kare. 🙂 Aur Haan Yadi aapko koi bhi help chaiye to comment karein hume aapki help karne me khushi 🙂 hogi.

You May Also Like

About the Author: Rohit Kumar

Founder- livebiharnews.in & Blogger- hinglishmehelp.com | STUDENT

Leave a Reply

error: Content is protected !!