Domain Name Kya Hai aur Domain Name Kaha Se aur Kaise Kharide?

Hello friends, Maine pahle aapko bataya tha ki ham kaise apna free blog bana sakte hai. Par agar aapko apne blog ko website me convert karna hai to aapko ek acha sa domain register karna padta hai. To chaliye aaj main aapko domain ke baare me aur domain register kaise karte hai ke baare me batane jaa raha hun.

Domain Name Kya hai?

Domain Name ek address hota hai jiske dwara ham aasani se kisi bhi website par jaa sakte hai.

Jaise hamare Website ka domain namehinglishmehelp.com hai. Is domain name ke jariye hamare website par aasani se koi bhi aa sakta hai.

Domain Name Kaha se aur Kaise Kharide?

Waise to online aapko domain sell karne wali bahut websites mil jayegi but main aapko top 5 domain sell karne wale website ka name de raha hun. aap inse aasani se apna domain name apne Card/Net Banking …etc se pay kar ke kharid sakte hain.

1. Godaddy.com
2. Bigrock
3. Namecheap.com
4. 1and1
5. EasyDNS

To chalye ab mai aapko yahan par Godaddy.com se domain kharidne ke baare me batata hun. Waise aap kisi bhi website se domain kharid le sabki proccess lagbhag ek jaisi hai.

Godaddy se Domain kaise Kahride?

Step 1: Sabse pahle aap GoDaddy ki Site par jaye.

  1. Agar aapka Godaddy par pahle se account hai to apna user name or password daal kar Sign in karle.
  2. Agar aapka GoDaddy par account nahi hai to Create My Account ki button par click karke account banaye.

Step 2: GoDaddy par account banane ke liye is form ko bhar le. Agar pahle se account hai to is step ko skip kar de.

  1. Apna email address dale.
  2. Account ke liye ek username dale. kamsekam 5-30 sabdo ka hona chahiye. iski madad se aap dubara godaddy ke account me login kar payege.
  3. Password set kare apne godaddy account ke liye. Password kam se kam 9 sabdo ka hona chaiye or usme Capital latter or number bhi hona chaiye. password ke suru me or akhri me space nahi hona chaiye.
  4. Char number ki pin set kare. aap yahan koi bhi 4 number dal sakte hai. isko yaad bhi rakhna hai kyunki future me aap kabhi bhi godaddy se contact karenge to aapse verification ke liye ye pin mangenge.
  5. Saari jaankari bharne ke baad Create Account par click kare.

Ab aapka GoDaddy par account to ban chuka hai.

Step 3: Ab GoDaddy me Login hone ke baad aapne jo apne website (blog) ke liye badhiya domain name socha hai usse search karna hai. uske liye aapko godaddy ki site par aasani se search box dikh jayega.

Search karne ke baad yadi wo domain unavailable aaye to koi dusra domain name search kare.

Step 4: Jab aapko aapke pasand ka domain name mil jaye.

Tab uske baad aap uska price jarur dekhle or ek baar spelling sahi se check karle. Iske baad Continue To Cart ki Button par click kare.

Step 5: Ab aapke saamne ek new window khulegi usme aapko aur bhi bahut kuch lene ke liye kaha jayega. Hosting, Email..etc aap in sab ko rahne de aur page ke niche jaake Continue to Cart ki button par click kare.

Step 6: Ab jo naya page khula hai usme aap ke domain name aur uski jaankari hogi.

  1. Sabse pahle aap kitne saal ke liye register karna chahte ho wo select kare. uske hisaab se paise lagege.
  2. ab total kitna price hua wo dekhle.
  3. Last me Proceed to Checkout > ke button par click kare.

Step 7:

  1. Apni puri jaankari bhare.
  2. Aap payment kis method se karege wo select kare. Netbanking ya Debit Card jo bhi ho.
  3. Continue > ki button par click kare.

Step 8:

  1. Apni Detail ek baar check karle jo aapne apne baare me diye hai.
  2. Aapke liye hue domain ko ek baar ache se dekhle.
  3. Total kitne paisa pay karna hai wo dekhle.
  4. Jo sabd diya hua hai unko type kare.
  5. I agree to the following ke aage jo box bana hai us par click kar tick kare.
  6. Place your Order > ki button par click kare.

Step 9: Ab aap ek dusri website par phuch jayege jis ki aapne payment method select kiya hai.

Ye aap mera screen shot dekh sakte ho. Mai SBI ke debit card se payment kar raha hu. Payment karne ke baad aap wapas Godaddy ki site par aa jayege.

Ab aapka Website ka Naam Register ho chuka hai.

# Apne Domain Name ko dekhne ke liye:

  1. Aap Godaddy Ke Homepage par jaye.
  2. Iske baad Upar Apne Name Par click karenge tab ek popup khulega.
  3. Fir Usme ek option hoga Manage Domains us par click kare.

Ab aapke saamne aapke sabhi domain ki list aa jayegi jo aapne kharidi hai Godaddy se.

To friends ab aapne sikh liya hai Domain Name Kya Hai or Domain Kaha Se aur Kaise Kharide.

Aapko ye jaankari kaisi lagi comment karke batana na bhule aur agar aapka koi sabaal ho to usko bhi comment karke aap mujshe puch sakte ho. 🙂

You May Also Like

About the Author: Rohit Kumar

Founder- livebiharnews.in & Blogger- hinglishmehelp.com | STUDENT

Leave a Reply

error: Content is protected !!